<< كرامة وحب >>

[العمدة]

أنا وقلبي صرخنا الآه شربنا الهم وضاق البال
بقت لي بسمة ميته وليل(ن) موحش(ن) حالك
بقى لي في السما نجم(ن) عشق حلّي مع الترحال
قساوة قصتي قالت يموت ويحترق فالك
وليفي يابعد عمري جفا قلبك يهد اجبال
وش اللي يجبرك تقسى وش اللي غير احوالك
تبي ترفع مقاديرك وتدفن عزتي برمال
نويت اتذلني وآنا ولافكرت (ف)ذلالك
تنادي بالقطيعة قمت تهجر والعشق لازال
ينبض في خفوق القلب يبكي يطلب اوصالك
يركع في ثرى دربك وأرى قلبك تغاضى ومال
بعيد(ن) يبتسم يضحك .. واشوفه منتهي بالك
ازحف واتبعك وارضيك واخضع واطلبك لوصال
لجل عشره جديمه حس وارحم من سعى وجالك
دخيلك مد لي ايدك وانا صونك .. وعد رجّال
يشهق آخر انفاس يبيع الكون لو طالك
يموت العز (ف) احضاني وسط قلبي فلا تختال
كرامه وحب ابد مايصير .. لابد واحد(ن) هالك
أحبك حب ماحبه غمد السيف للأبطال
أحبك حب بعثرني وجعلني أعشق افعالك
أحبك حب جنن بي جعلني أركب الأهوال
جعلني أعشقك بجنون أموت آنا وأحيا لك
أنا من زود حبي لك بنيت ابهيئتك تمثال
ولو ماالخوف من ربي سجد وجهي لتمثالك

الشاعر .. جاسم مراد عبدالله آل محمد